Era sala d’actes deth Conselh Generau d’Aran a acuelhut era conferéncia: Commemoracion deth centenari dera Mancomunitat de Catalunya 1914-2014, a cargue der istoriador e professor dera Universitat Autònoma de Barcelona e membre der Institut d’Estudis Catalans, Albert Balcells.

Er acte a compdat damb era preséncia deth cap de Cultura e Patrimòni deth Conselh Generau d’Aran, Jèp de Montoya, dera presidenta dera Fondacion Musèu Etnologic dera Val d’Aran, Angelina Cases, e dera tecnic de Patrimòni, Elisa Ros.

En paraules de Jèp de Montoya, “atau coma en Catalunya se creec era Mancomunitat com un insturment de govèrn, a trauèrs des quate Deputacions Provinciaus, ena Val d’Aran se creeren es Mancomunitats Forestau e Assistenciau, damb tot eth sentit de País que de tostemp an auut es aranesi e qu’enquiath 1834 auie defensat eth Conselh Generau d’Aran.Es Mancomunitats araneses supliren de quauqua manera ar antic Conselh Generau enquiara restauracion democratica d’aguest, captant de nau eth papèr de representativitat e defensa dera totalitat dera Val d’Aran, en ahèrs comuns a toti es pòbles e d’ua transcendéncia generau.”