Ager dissabte, contunhèren es activitats deth Snowfest Pirineus 2015. Es assistents poderen gaudir entre d’autes d’ua conferéncia sus eth risc de lauegi impartida per Jordi Gavaldà, responsable deth Centre de Lauegi deth Conselh Generau d’Aran e d’ua fantastica exibicion de patinatge artistic a cargue de patinadors professionaus, qu’an recreat en gèu deth Palai de Gèu de Vielha scènes des musicaus Eth Rei Leon e Annie.

Era hèsta contunhèc pera net damb un gran concèrt de KID WISE e ua session de musica electronica damb D-YAN ena Sala Polivalenta de Vielha e damb era Hèsta de San Andreu en Salardú.

Aué dimenge ei eth torn des artesans ena plaça dera glèisa de Bossòst, damb eth mercat artesanau aranés e es productes dera Mèrca de Garantia de productes dera Val d’Aran.

Entà mès informacion www.snowfest.es