Vielha, 13 de mai de 2019.- Eth Conselh Generau d’Aran seguís es accions enes pistes forestaus laguens es prètzhèts de melhora e conservacion des accèssi ar auviatge naturau e culturau dera Val d’Aran.

Prevision de talhs setmana deth 13 ath 19 de mai de 2019:

Era pista de St. Joan, de Varradòs en Vilamòs, demorarà talhada pendent es 24 ores deth dia de deluns a dimenge.

Ena pista de Varradòs, deth crotze d’Arròs enquia Bòrdes dera Artiga, es òbres provocaràn talhs puntuaus de 10 a 15 menutes de durada eth deluns, eth rèste dera setmana era pista demorarà talhada pendent es 24 ores deth dia.

Es pistes dera Artiga de Lin, deth Pònt deth Còc enquiath parcatge dera Ermita e enquiath Plan dera Artiga, demoraràn dubèrtes eth deluns, deth dimars ath diuendres es òbres provocaràn talhs puntuaus de 10 a 15 menutes de durada. Dissabte e dimenge es pistes demoraràn dubèrtes.

Era pista de Mina Victòria, d’Arres de Sus ara Bassa d’Arres, demorarà dubèrta eth deluns, es òbres provocaràn talhs puntuaus de 10 a 15 menutes de durada de deluns a diuendres. Dissabte e dimenge era pista serà dubèrta.

Era pista de Mina Victòria, dera Bassa d’Arres enquia Bossòst, demorarà dubèrta tota era setmana.

Era pista de Valarties, deth Pònt de Valarties ath Plan de Nera, demorarà dubèrta tota era setmana.

Veir grafic adjunt

Es accions enes pistes forestaus des trabalhs de melhora e conservacion des accèssi ar auviatge naturau e culturau dera Val d’Aran, les amie a tèrme eth Conselh Generau d’Aran damb era collaboracion deth Hons Europèu de Desvolopament Regionau (FEDER), era Deputacion de Lhèida e era Generalitat de Catalonha a trauès deth departament de Politiques Digitaus e Administracion Publica.