Eth Conselh Generau d’Aran aportarà 7.500€ destinadi as Associacions Esportiues der IES d’Aran, ZER Val d’Aran, Escòla Sant Ròc e Escòla Mairau er Audéth, CEIP Garona e Escòla Alejandro Casona, qu’arreceben 1.500€ cadua entar an 2018.

Eth vicesindic d’Aran e conselhèr d’Espòrts, Luís Carlos Medina, a signat aué un convèni de collaboracion entara promocion deth Plan Catalan “Esport a l’escola” damb es escòles dera Val d’Aran. Ar acte an assistit: José Manuel Rodríguez, director der IES d’Aran, Mónica Garrido, presidenta dera Associacion Esportiva Escolara ZER Val d’Aran, Josep Gregorio Viñolo, president dera SEE AMPA Escòla Sant Ròc e Escòla Mairau er Audèth de Bossòst, Julia Pérez, presidenta dera Associacion Esportiva Escolara deth CEIP Garona de Vielha e Laura Ruíz, presidenta dera Associacion Esportiva Escolara AMPA Escòla Estudi Alejandro Casona de Les.

Eth Conselh Generau d’Aran aportarà 7.500€ destinadi as Associacions Esportiues dera Val d’Aran, qu’arreceberàn 1.500€ cadua entar an 2018.

Atau, eth Conselh Generau d’Aran ajude a finançar es activitats qu’afavorissen era preséncia der espòrt ena formacion des mainatges e mainades d’entre 4 e 18 ans.

Es objectius deth Plan Catalan “Esport a l’Escola” son entre d’auti incrementar era participacion en activitats fisiques e esportiues en orari non lectiu der alumnat des centres educatius de primària e de segondària, profitar eth gran potenciau educatiu e formatiu des activitats fisiques e esportiues, en tot cercar era participacion peth dessús dera competitivitat e potenciar era foncion integradora e de coesion sociau der espòrt escolar, en tot facilitar er accès de toti es mainatges e mainades ara practica esportiua escolara.

Vielha, 4 de junh de 2018

Conselh Generau d’Aran: Núria Sanjuan