Eth sindic d’Aran, Carlos Barrera, e eth vicesindic d’Aran, Luis Carlos Medina, an signat un convèni damb eth Departament de Salut (CatSalut) en quau s’autrege ath Conselh Generau d’Aran 304.000€ entà per’mor de melhorar es servicis ena cirurgia ortopèdica e traumatologia e era oncologia coma conseqüéncia deth modèl estrategic entre er Espitau Val d’Aran e er Hospital del Mar.

D’ua banda, ena cirurgia ortopèdica e traumatologia, s’implanten pròtesis quirurgiques de jolh, activitat qu’abans non se hège e s’a incrementat eth nombre d’intervencions de maluc.

Per çò que tanh a oncologia, er acòrd entre er Espitau Val d’Aran e er Hospital del Mar permet eth desplaçament periodic d’un oncòleg ara Val d’Aran, çò que hè possible realizar tractaments de quimioteràpia en territòri qu’abans, obligaue as usatgèrs a desplaçar-se dehòra.