• Es Desfibriladors Extèrns Automatics (DEA) son aparelhs imprescindibles entara seguretat ciutadana pr’amor qu’es parades cardiaques extraespitalàries son ua des principaus causes de mortalitat dera poblacion, en tot constitusir un grèu problèma de salut publica

Eth  Conselh Generau d’Aran, en exercici dera competéncia de gestion des servicis d’emergéncies e proteccion civila, a signat un convèni de collaboracion en un programa de salut publica damb era Deputacion de Lleida. Aguest programa consisitís en ua melhor proteccion des persones deth territòri aranés mejançant era dotacion de sies dispositius de desfibrillacion automatica (DEA) as unitats de Pompièrs d’Aran.

Era passada setmana arribèren aguesti 6 desfibrilladors automatics extèrns ara sedença de Pompièrs-Emergéncies, un producte sanitari destinat a analizar eth ritme cardiac, identificar es aritmies mortaus tributàries de desfibrillacion e administrar ua descarga electrica damb era finalitat de restablir eth ritme cardiac viable damb nivèus de seguretat.

Aguest aparelh ei imprescindible pr’amor qu’es parades cardiaqies extraespitalàries son ua des principaus causes de mortalitat dera poblacion en tot constitusir un grèu problèma de salut publica.