Vielha 16 de març de 2016.- Eth departament d’Ensenhament dera Generalitat de Catalonha e eth Conselh Generau d’Aran, an convocat es pròves d’accès de caractèr generau as ensenhaments esportius que condusissen ara obtencion des titolacions oficiaus de tecnic/a esportiu/a e tecnic/a superior esportiu/a, corresponents ar an 2016.

Eth centre organizador des pròves ei eth Centre Public de Tecnics Esportius Val d’Aran (ETEVA).
Eth periòde d’inscripcion as pròves d’accès ei des deth 20 enquia 27 d’abriu de 2016 e entà accedir ada eres cau formalizar eth modèl de sollicitud d’inscripcion qu’ei a disposicion des interessadi ena web deth Conselh Generau d’Aran e ena web d’ETEVA.

Calendari des pròves:
Pròva d’accès ath grad miei
Era pròva començarà as 9 ores deth 16 de mai de 2016.
Es aspirants an de presentar en centre 30 menutes abans der inici.

Pròva d’accès ath grad superior
Era pròva comence as 15.30 ores deth 16 de mai de 2016.
Es aspirants an de presentar en centre 30 menutes abans der inici.
Documentacion requerida: Originau deth DNI, NIE o passapòrt que s’a inscrit damb eth er aspirant.

Centre Organizador: ETEVA.
Centre Public de Tecnics Esportius de Grad Miei e Superior dera Val d’Aran.
Direccion: Ctra. Vielha, s/n (Ed. Aubèrja Era Garona).
Municipi: Naut Aran.
Localitat: Salardú.
Còdi Postau: 25598.
Telefòn: 973.64.45.95.
Fax: 973.64.45.88.
Web: http://www.eteva.org
Mail: informacion@eteva.org
Tota era informacion sus era convocatòria des pròves en aguest PDF