Er airau de Desvolopament Economic deth Conselh Generau d’Aran e GlobaLleida organizen eth pròplèu 12 de gèr ua naua capsula formativa sus “Comptabilitat entà autonòms e pimes” en CEI Val d’Aran de Casau. Eth cors serà impartit per Anna Belén Cambra, Licenciada en Dret e en Administracion e Direccion d’Enterpreses e Mastèr en Tributacion e Assessoria Fiscau.

Aguesta capsula formativa va dirigida majoritàriaments a empresaris e emprendedors, qu’auràn d’auer en compde enes comptabilitats des sues enterpreses o negòcis, es darrèri cambiaments normatius establidi peth govèrn der estat eth darrèr mes de deseme, sus era tributacion e er IRPF o per Impòst de Societats en cas des societats civius. Aguest cambiament afècte a miliès de petiti negòcis, coma pòden èster horns de pan o bars, donques qu’era naua legislacion abilite ara Agéncia Tributària facilitar eth NIF corresponent que servirà a comprobacions fiscaus.

D’aute aspècte qu’afècte a petiti e emprendedors e autonòms, son es cambiaments en regim de tributacion per moduls, donques qu’era finalitat dera Agéncia Tributària ei que sonque se pogue acuélher ada eri qui desvolòpe activitats agricòles, pageses o forestaus coma ei eth cas de petiti emprendedors dera Val d’Aran, o activitats en qu’eth destinatari finau deth servici o producte, sigue un contribuable sense dret a acuelher-se a possibles deduccions.
Era capsula formativa sus comptabilitat entà autonòms e pimes, compde damb eth patrocini dera Deputacion de Lhèida.