Vielha, 15 de junhsèga de 2016.- Eth Conselh Generau d’Aran e Global Lleida, organizen eth cors “Recèrca de trabalh 2.0”, laguens eth cicle dimars de trabalh, qu’aurà lòc en CEI Val d’Aran eth pròplèu dimars 26 de junhsèga.

Eth cors cònste de dues parts.

Era prumèra de nivèu iniciau, prepause descorbir e conéisher es naues tendéncies e recorsi virtuaus ena recèrca de trabalh a trauès des estruments que proporcione era web 2.0. Er orari serà de 10:00 a 12:00 ores.

Eth dusau nivèu de “Recèrca de trabalh 2.0”, va dirigit ad aqueres persones que volguen dominar eth mapa 2.0 entara recèrca activa de trabalh. En tot apréner a dessenhar ua bona estrategia de gestion dera emprenta digitau e conéisher es estruments entà confeccionar eth curriculum sociau qu’apòrte mès visibilitat e oportunitats de trabalh. Er orari deth dusau nivèu serà de 12:15 a 14:15 ores.

Eth cors ena sua totalitat serà impartit per Ester Barqué, Community Manager.

Es inscripcions ath cors se pòden formalizar en Conselh Generau d’Aran, telf. 973 64 18 01 o a trauès deth corrèu electronic c.mora@aran.org