Eth dijaus 28 de març entàs 19:00 ores aurà lòc ena Sala d’Actes deth Conselh Generau d’Aran (3au Planta), ua charrada a cargue de Manuel Genswein, era maximala autoritat internacionau de rescat en lauegi
Vielha, 28 de març de 2019.- Eth Centre de Prediccion de Lauegi deth Conselh Generau d’Aran a organizat un an mès un cors auançat entà formadors sus rescat e accion en lauegi des deth dimèrcles 27 de març enquiath dissabte dia 30 en collaboracion damb Baqueira Beret, damb er objectiu que se poguen premanir entà actuar coma formadors d’auti tecnics e professionaus en aguest àmbit de trabalh.
En cors participen membres deth Centre de Prediccion de Lauegi d’Aran, unitats des Pompièrs d’Aran, de Baqueira Beret, CRS, Agents de Miei Ambient, especialistes dera Gendarmería Francesa e particulars, de Catalonha, Andòrra e França.
Eth cors a començat eth dimèrcles 27 damb ua jornada de reciclatge e ua prumèra gessuda ena montanha.
Laguens eth cors i aurà dus actes dubèrti ath public:
Eth dijaus 28 de març entàs 19:00 ores aurà lòc ena Sala d’Actes deth Conselh Generau d’Aran (3au Planta), ua charrada a cargue de Manuel Genswein, era maximala autoritat internacionau de rescat en lauegi, coma entratge ara practica de rescat en lauegi deth dissabte, ena qu’explicarà era importància de conéisher e èster entrenat enes desparières tecniques de recèrca e rescat de companh en cas de laueg. Era charrada ei dubèrta a toti e se poderà accedir sense inscripcion prealabla.
Manuel Genswein, collabòre damb equipes de rescat europèu e american ath delà d’èster un des especialistes en rescat ena CISA-IKAR organisme internacionau de referéncia e desvolopador deth sistèma de paleo de “cinta transportadora en V” qu’a estat adaptat pera majoria de grops de rescat e centres de formacion.
Eth dissabte 30 de març de 10:00 a 13:00 ores ena Bonaigua, Practica de rescat en lauegi gratuït, mès qu’ei de besonh inscriuer-se prèviaments en tot enviar un mail a lauegi@aran.org.
