Es mainatges son eth nòste futur e non podem virar era guarda deuant era realitat que mos aucupe e non procurar de melhorar era sua participacion educativa/emocionau.

Per açò volem dar responsa des de Càritas Val d’Aran en tot daurir ua naua campanha de recèrca de volontaris que volguen hèr er acompanhament educatiu.

Eth projècte preten acompanhar as escolans tà aquerir abituds d’estudi, cercar motivacions enes contenguts e facilitar-les un espaci adaptat entà hèr es déuers e que les permete rellacionar-se damb mainatges e mainades dera sua edat damb activitats que trabalhen diferentes valors.

Competéncies e aptituds qu’a d’auer era persona volontària:

• A d’auer mès de 16 ans e coneishements enes matèries des estudis que se dan enes diferenti corsi.
• Li a d’agradar eth tracte damb menors; auer paciéncia, empatia; transméter valors de convivéncia damb accions, activitats e paraules.
• A d’èster participatiu e comunicatiu tan damb es mainatges e mainades coma damb era entitat. Auer un esperit dera solidaritat e entrèga generosa deth melhor d’un madeish.

Durada e dedicacion: 2 ores setmanaus pendent eth cors escolar 2018-2019.

Era activitat se realizarà en Centre de Càritas Val d’Aran plaçat ena Avenguda Maladeta nº14 de Vielha.

Entà mès informacion e inscripcions vos podetz dirigir ath madeish centre, picar ath telefòn 973641357 o enviar un mail a: vielha.cdurgell@caritas.es

Vielha, 24 de seteme de 2018

Conselh Generau d’Aran: Núria Sanjuan

Hònt e fotos: Càritas Val d’Aran