Aguest dissabte, 30 de junhsèga, aurà lòc era Night Running Series Vielha- IVau edicion d’Era Nocturna Vielha, corsa que se desvoloparà pes carrèrs de Vielha ena quau i aurà diferentes pròves:

– Carrèra de 5Km e 10 Km (2 torns sus un circuit de 5Km).

– Caminada de 5Km.

Atau, toti pòden participar, ja sigue en tot caminar o corrent.

Per un aute costat, es menors de 12 ans tanben auràn era sua competicion exclusiva, que se realizarà 2 ores abans dera corsa oficiau (inscripcion presenciau gratuïta era madeisha tarde).

Luís Carlos Medina, vicesindic d’Aran e conselhèr d’Espòrts, a soslinhat “era Night Running Series Vielha s’a assolidat coma un eveniment popular e esportiu, e s’a convertit en un referent entàs residents dera Val d’Aran e entàs persones que mos visiten”.

Era Night Running Series Vielha ei ua activitat realizada peth Club Atletic Val d’Aran (CAVA) que compde damb era colaboracion entre d’auti, deth Conselh Generau d’Aran.

Mès informacion e inscripcions: wwww.nightrunningseries.com/vielha

Vielha, 27 de junhsèga de 2016

Conselh Generau d’Aran: Núria Sanjuan

Hònt: Club Atletic Val d’Aran (C.A.V.A)