Deman s’inície era convocatòria entara sollicitud des subvencions entath pagament deth loguèr

abriu 26, 2021 Notícies

  • Eth Conselh Generau d’Aran, a trauès dera sua Oficina de Joenessa, balharà supòrt as persones qu’ac agen de besonh entara sollicitud d’aguestes ajudes dera Generalitat

A compdar de deman, 27 d’abriu, e enquiath 4 de junh se poderàn presentar es sollicituds entà poder optar as subvencions dera Generalitat de Catalunya entath pagament deth loguèr.

Entà optar ad aguestes ajudes, ei de besonh acreditar era residéncia legau en Catalunya, èster titolar deth contracte de loguèr e èster empadronat en abitatge abituau e cumplir damb uns requisits economics que se pòden consultar enes bases dera subvencion publicades en DOGC.

Era Oficina de Joenessa dera Val d’Aran balharà supòrt ena sollicitud d’aguestes ajudes a totes aqueres persones qu’ac agen de besonh. Totun, ei de obligatòri demanar cita per auança en tot telefonar ath 973640625 o ath 680415451, o ben enviant un email a joenessa@aran.org.

Comments are closed.