Ath delà, eth 11 d’octobre aurà lòc en Salardú, eth XIau Concors Morfologic “Cavall Pirenenc Catalan”

En tot coïncidir damb era arribada dera tardor, ena Val d’Aran se celèbre ua naua edicion des hèires d’animaus e comèrç deth 5 ath 8 d’octobre. Ua sèria de jornades enes quaus se pòt conéisher ua des activitats tradicionaus dera Val d’Aran com ei era ramaderia, sector principau enquia hè diuèrsi decènnis.

Programa:

Domingo 5 d’octobre:

– Bossòst: 09:00 Dubertura der espaci heirau. 10:00 Esdejoar popular. 11:00 Liurament des incentius as pagesi participants. Ath delà, mercat tradicionau de tardor pendent tot eth dia.

Deluns 6 d’octobre:

– Les: 08:00 Arribada des animaus. 09:00 Dubertura der espaci heirau. 10:00 Esdejoar popular aufrit per Supermercat Boya e premanit pes alumnes dera Escòla d’Ostalaria de Les. 18:00 Musica eth dirècte ena Sala de Hèstes damb es grops “Ja Pòdes Creir” e “Divines”.

Dimars 7 d’octobre:

– Salardú: 09:00 Dubertura der espaci heirau. 10:00 Esdejoar popular aufrit per Ajuntament de Naut Aran. 11:00 Exposicion deth bestiar. Mercat comerciau ath long dera jornada.

Dimèrcles 8 d’octobre:

– Vielha: 09:00 Dubertura der espaci heirau. 10:00 Esdejoar popular. 10.00-11:00 Inscripcion deth bestiar que participarà en concors. 11:00 Avaloracion des exemplars per part deth jurat. 12.00 Liurament der incentiu d’assisténcia as pagesi participants e repartiment de prèmis. Ath delà, pendent tot eth dia mercat comerciau e jòcs entàs mainatges.

Dissabte 11 d’octobre:

XIau Concors Morfologic “Cavall Pirenenc Català”

– Salardú: 09:00 Dubertura der espaci heirau. 10:00 Esdejoar popular aufrit per Ajuntament de Naut Aran. 11:00 Exposicion deth bestiar. Mercat comerciau ath long dera jornada.

En paraules deth conselhèr d’Agricultura, Ramaderia e Miei Naturau d’Aran, Jose E. Arró, “damb aguestes hèires se poténcie era ramaderia ena Val d’Aran, un des sectors presents en nòste territòri, atau coma hèm conéisher es races autoctònes araneses”.