• Ath delà, eth 10 d’octobre aurà lòc en Les, eth XIIau Concors Morfologic “Cavall Pirenenc Catalan”
En tot coïncidir damb era arribada dera tardor, ena Val d’Aran se celèbre ua naua edicion des hèires d’animaus e comèrç deth 5 ath 8 d’octobre. Ua sèria de jornades enes quaus se pòt conéisher ua des activitats tradicionaus dera Val d’Aran com ei era ramaderia, sector principau enquia hè diuèrsi decènnis.
Programa:
Deluns, 5 d’octobre:
– Bossòst: 09:00 Dubertura deth recinte heirau. 10:00 Esdejoar popular. 11:00 Liurament d’incentius as pagesi participants. Ath delà, mercat tradicionau de tardor pendent tot eth dia.
Dimars, 6 d’octobre:
– Les: 08:00 Arribada deth bestiar en espaci heirau. 09:00 Inauguracion dera hèira a cargue des autoritats. 10:00 Esdejoar popular aufrit peth Supermercat Boya e premanit pes alumnes dera Escòla d’Ostalaria de Les. Pendent tot eth maitin: Actuacion dera Charanga “LOS HELVETICOS”, degustacion de licors des Pirenèus a cargue de “PORTET” e pendent tot eth dia mercat tradicionau de tardor.
Dimèrcles, 7 d’octobre:
– Salardú: 10:00 Arribada deth bestiar. 10:30 Esdejoar popular aufrit per Ajuntament de Naut Aran. 11:00 Mòstra deth bestiar. 17:30 Chicolatada e còca (Sala Sociau). 18:00 5au mòstra cinema, aniversari parc nacionau Aigüestortes 8Sala sociau). Mercat comerciau ath long dera jornada.
Dijaus, 8 d’octobre:
– Vielha: 10:00 Esdejoar popular en espaci heirau (plaçat en parcatge des antiques casèrnes militars). 10:00-11:00 Inscripcion deth bestiar participant en concors. 11:00 Avaloracion des exemplars per part deth jurat. 12:00 Liurament der incentiu d’assisténcia as pagesi participants e repartiment de prèmis. Ath delà, pendent tot eth dia mercat comerciau e jòcs entàs mainatges (Av. Castièro).
Dissabte, 10 d’octobre:
XIIau Concors Morfologic “Cavall Pirenenc Català”
– Les: 09:00 Arribada deth bestiar en espaci heirau e esdejoar popular. 10:00 Inici deth concors:
1. Soberan 4. Terçon
2. Soberan 5. Cabala e potro
3. Terçona 6. Shivau
Entrèga de prèmis en acabar cada categoria. En acabar eth concors s’aufrirà un aperitiu.
En paraules deth conselhèr d’Agricultura, Ramaderia e Miei Naturau d’Aran, Jose E. Arró, “damb aguestes hèires se poténcie era ramaderia ena Val d’Aran, un des sectors presents en nòste territòri, atau coma hèm conéisher es races autoctònes araneses”.