- Aguestes ajudes, prebotjades peth Conselh Generau, son entà motivar era continuitat dera carrèra esportiva des joeni e joenes estudiants en Aran, qu’agen entre es 12 e 22 ans qu’estúdien ensenhaments obligatòris o pòstobligatòris. Es ajudes an de servir tanben entà dar supòrt economic as famílies.
Eth Govèrn d’Aran a daurit era convocatòria de sollicitud d’ajudes adreçades a joeni estudiants dera Val d’Aran entath cors academic 2024/2025.
Era concession d’ajudes e subvencions economiques qu’autrege eth Conselh Generau d’Aran s’adrecen a joeni esportistes deth territòri entre es 12 e 22 ans qu’estúdien es ensenhaments obligatòris dera ESO o pòstobligatòris (titulacions de tecnics esportius, cicles formatius o estudis universitaris), que siguen esportistes en actiu e residents en Aran. Eth tèrme de presentacion ei dubèrt enquiath 31 de gèr deth 2025.
“Eth Conselh Generau d’Aran vò aufrir supòrt ara nòsta joenessa entà promòir eth desvolopament deth sòn talent esportiu, sigue ena modalitat que sigue. Eth principau objectiu d’aguestes ajudes ei motivar era continuitat dera carrèra esportiva des nòsti joeni e joenes, ath madeish temps que seguissen damb es sòns estudis”, asseguraue eth conselhèr d’Espòrts, Javier Cavero, en tot híger que: “tanben ei important entà nosati poder balhar supòrt economic as famílies d’aguesti joeni e ajudar-les a pagar ua part dera despena que supause dedicar-se ar espòrt”.
Es bases reguladores se pòden consultar en taulèr d’edictes deth Conselh Generau d’Aran:
Vielha, 03 de gèr 2025