Dubèrta era convocatòria entà demanar es ajudes destinades a associacions culturaus, esportives e d’auti airaus

Aguestes subvencions deth Conselh Generau d’Aran van destinades a associacions, fondacions, persones juridiques o d’autes entitats que desvolòpen ena Val d’Aran pendent 2021 activitats relacionades damb er espòrt, era cultura o d’auti airaus coma er ambit sociau, er ensenhament, es activitats tà joeni o eth miei ambient, entre d’auti

Eth Conselh Generau d’Aran a dubèrt dejà era convocatòria destinada a associacions, fondacions, persones juridiques o d’autes entitats qu’amien a tèrme activitats culturaus, esportives o d’auti airaus (activitats de foment en ambit sociau, ensenhament, activitats entàs joeni, miei ambient, promocion toristica…).

Era concession d’ajudes e subvencions economiques qu’autrege eth Conselh Generau d’Aran en aguesti airaus comprén er ambit temporau der 1 de gèr ath 31 de deseme de 2021.

Eth tèrme entà presentar aguestes sollicituds de subvencion finalize eth dia 15 de junhsèga de 2021 e se pòt sollicitar a trauès dera plana web deth Conselh Generau d’Aran.