• Aguesta corsa populara aurà lòc eth dia 9 de març entà commemorar eth Dia Internacionau dera Hemna 

Eth Conselh Generau d’Aran, en collaboracion damb eth Conselh Esportiu dera Val d’Aran e era Associacion Volentaris Val d’Aran, e damb eth supòrt der Ajuntament de Vielha e Mijaran, a organizat era 11au Corsa dera Hemna dera Val d’Aran, qu’aurà lòc eth dimenge 9 de març, tàs 11 ores.

Aguesta corsa s’organize entà commemorar eth Dia Internacionau dera Hemna damb ua ampla sòrta d’activitats entà totes e toti.

Era Corsa dera Hemna ei ua competicion populara de 5 km pes carrèrs de Vielha e que se pòt hèr en tot córrer o caminar. Era gessuda serà, tàs 11 deth maitin, ena Plaça d’Aran e, coma tostemp, i aurà sèt categories: absoluta hemnes, infantila femenina e masculina, juvenila, senior, veterans, màster e absoluta òmes.

Es inscripcions ja se pòden hèr online, e de manèra presenciau eth diuendres 7 e dissabte 8 de març, de 17 a 20 ores, e eth dimenge 9 de març, a compdar des 9.30 ores, ena Plaça deth Conselh Generau d’Aran, a on tanben se poiràn remassar es dorsaus e era samarreta oficiau dera corsa. Eth prètz dera inscripcion ei de 5 euros e es places son limitades a 400 persones.

Te pòs incríuer en linha en: https://www.rockthesport.com/ca/esdeveniment/11au-corsa-dera-hemna

Vielha, 10 d’ hereuèr de 2025