Vielha, 12 de hereuèr de 2017.- Eth dimenge 12 de març de 2017 se celebrarà en Vielha era 4au Corsa dera Hemna Val d’Aran, organizada peth Servici d’Informacion e Atencion ara Hemna (SIAH) deth Conselh Generau d’Aran en collaboracion damb eth Conselh Esportiu dera Val d’Aran e era Associacion Volentaris Val d’Aran.

Ena edicion dera Corsa dera Hemna d’enguan se daràn tres prèmis entàs següentes categories:

Absolutes hemnes; juvenil; Senior; Mastèr 30; Mastèr 40; Mastèr 50; Absoluts òmes.

Es inscripcions online se pòden formalizar en:

https://www.inscripcions.cat/corsaderahemna2017/

Es inscripcions tanben se poderàn realizar presenciaument eth diuendres 10 e dissabte 11 de març pera tarde de 17 a 20 ores ena plaça deth Conselh Generau d’Aran.

Prètz Inscripcion: 3 €.

Era recuelhuda de dorsaus se poderà realizar ena plaça deth Conselh Generau d’Aran, eth diuendres 10 e dissabte 11 de març pera tarde de 17 a 20 ores.

Er orari de gessuda dera 4au Corsa dera Hemna serà as 11 ores deth dia 12 de març de 2017.

Vos animam a participar!

Era 4au edicion dera Corsa dera Hemna serà eth punt finau a toti es actes que des deth Conselh Generau d’Aran e eth Servici d’Informacion e Atencion ara Hemna (SIAH), s’organizen damb motiu deth Dia Internacionau dera Hemna.