Vielha, 22 de gèr de 2018.- Era Associacion Es Paums, tà promòir era musica, era lengua e era cultura aranesa ha editat era partitura des Gòis a Sant Fabian d’Arres.

Eth pòble d’Arres (Val d’Aran) celèbre eth dissabte dia 20 de gèr era hèsta de Sant Fabian, martir ath qu’ei dedicada era bèra glèisa d’estil romanic lombard deth segle XI plaçada ena entrada d’Arres de Jos.

Es Gòis, un tipe de composicion poetic-musicau, qu’ère plan estenuda ena cultura populara dera Val d’Aran, se cantàuen en Arres des de temps inmemoriau.

Entà preservar aguesta manifestacion culturau era Associacion Es Paums a editat era partitura complèta des Gòis d’Arres. Era edicion dera composicion en Mi menor e compàs de ¾, ei un apraiament d’Es Paums e  includís eth guidon, es acòrds chifradi tà guitarra e era partitura completa tà piano.

Es Gòis de Sant Fabian d’Arres se pòden escotar en Youtube en ua produccion deth grop musicau The Golden Saxo en el link: https://youtu.be/LoS8vfoMpXE .

Damb aguesta iniciatiua era Associacion Es Paums preten preservar es Gòis d’Arres e facilitar que qui i sigue interessat les pogue interpretar en eth futur.

Damb eth madeish objetiu era Associación ja compauèc, publiquèc, e interpretèc, eth passat mes d’agost es Gòis a Sant Ròc de Vilamós, damb letra deth poèta aranés Jèp de Montoya, musica de Jaume Masana “CASTÈTH” e diboishi de Jusèp Fenoy editadi peth Conselh Generau d’Aran e er Ajuntament de Vilamòs.