87 ciclistes an artenhut finalizar era pròva de tres dies de dura competición

Vielha, 26 de junh de 2019.- Era Val d’Aran a acuelhut era prumèra edicion dera Hard Bike, pròva de BTT de tres dures estapes per aguest increible paratge naturau deth Pirenèu. Era competicion a estat un succès e a compdar dera organizacion ja se comence a trabalhar de cara a ua dusau edicion damb eth fin d’assolidar la cite en futur.

Ena categoria elèit absolut eth vencedor a estat Eduard Gispert (9h47’8’’), seguit d’Eric Valldaura(9h47’11’’), dusau, e de Gerard Minoves (9h52’49’’), tresau dera generau.

En elèit d’hemnes, eth prumèr lòc siguec entà Ada Xinxó (12h36’18’’), eth dusau gradon deth podium l’aucupèc Marta Riba (13h51’25’’) e eth tresau Inés Rodríguez (14h9’24’’).

Gerard Minoves (9h52’49’’) siguec eth guanhador dera categoria Mastèr 30, damb Pablo Gonzalo (10h20’32’’) coma dusau classificat e Marius Alsius (10h50’32’’) tresau.

Per çò que son es veterans, Dani Llorenç siguec eth mès de rapid (9h57’35’’), damb Guillem Busquets (10h33’44’’) ena dusau posicion e Joseba León (10h47’22’’) ena tresau.

A compdar dera organizacion de Hard Bike se mòstren fòrça contenti pera nauta participacion des que poderen concludir es tres estapes 87 ciclistes e tanben peth desvolopament dera pròva sense problèmes e un bon temps qu’acompanhèc es tres dies.

Aguesta pròva ei organizada per Pyrenees Attitude e compde damb eth supòrt deth Conselh Generau d’Aran, er Ajuntament de Naut Aran, er Ajuntament de Bossòst, er Ajuntament de Vielha e Mijaran e Torisme Val d’Aran.

Info: Hardbike