Era gran part deth perimètre se mantenc estable, e, unicament queden dubèrts uns 650 mètres ena part nauta deth costat dret.

Barrera, vò que se priorizigue era seguretat de toti es efectius que participen en escandiment deth huec.

Vielha, 7 de gèr de 2017.-Eth sindic d’Aran Carlos Barrera a convocat auè ua amassada tàs 20 ores en  parc de pompièrs  de Vielha  damb es responsables tècnics deth Servici de Pompièrs  dera  Val d’Aran e dera Generalitat  de Catalunya, atau com damb toti es responsables politics aranesi des tèrmes municipaus afectadi peth huec  forestau que s’ inicièc ath  costat   deth pòble de Garòs eth passat dijaus,  damb er objectiu de facilitar tota era informacion sus er estat deth huec  e es previsions entà es pròplèus ores.

Ena amassada an participat eth  vicesíndic e conselhèr d’Arties- Garòs , Luis Carlos Medina, eth conselhèr de Territòri  J. Antonio Boya, es presidents des EMD d’Arties- Garòs , David Torres; de Vilac, Juan Luis Ramos e d’Escunhau-Casarilh  Josep  María Verges,er  alcalde Vielha e Mijaran , Juan Antonio Serrano ,era vocau responsable de Garòs, Mari Angels Ordax e eth delegat deth Departament d’Interior en Pirinèu, Josep Palau. Per part  deth Servici de Pompièrs, hi an participat Agustí  Gatell , Cap operatiu dera region Oest de Catalunya , Marc Castellnou cap d’analistes des GRAF de Catalunya, Lluis Rodriguez Cap d’Airau  d’emergéncies deth  Conselh  Generau  d’Aran e  Antoni Tahull, cap deth Parc de Pompièrs de Vielha.

Los responsables técnicos de la extinción dan el incendio por estabilizado

Dera amassada cau destacar que es responsables tècnics der escandiment  dan er incendi per estabilitzat en aguesti moments. Eth dia 6 de gèr se procedic a amortar era zona mès perilhosa , pera possible afectacion a massa forestau, qu’ère era zona limítrofe ath bòsc de Salient en Vilac. Aguest  braç de huec a quedat  totalment amortat e pendent eth dia d’aué i a un escamòt de pompièrs damb un camión BRP qu’a  estat supervisant eth sector.

Es  esfòrçi  operatius s’an dedicat a amortar er aute braç der incendi que s’en va entà eth  barranc de Salidé en Arties. Aguesta  zòna  non a afectacions possibles, ne  a  bens  materiaus, ne a zones boscoses, per çò que se procedira eth dimenge a  perçutar damb  es trabalhs d’escandiment  qu’auè  an condat  damb era  participacion de mès de quaranta efectius des Pompièrs d’Aran e dera  Generalitat de Catalunya , entre es que i auien  es unitats especializades en huecs  forestaus  damb dus elicòpters d’escandiment e  membres des tres parcs de pompièrs dera Val d’Aran, Vielha, Bossòst i Les.

Eth sindic d’Aran, Carlos Barrera , responsable màxim der operatiu, a  volut soslinhar era bona coordinacion de toti es servicis e a felicitat as integrants de toti es cossi d’extincion, remarcant que peth dessus  de tot, se priorizigue era seguretat de toti  es efectius que participen en amortar er huec , e a manifestat , a toti es responsables politics aranesi  era  tranquilitat  damb que cau continuar afrontant  aguest  episòdi, auent en  compde qu’ aguestes zònes  cremades, non  an un gran valor mediambientau e que, en d’autes ocasions  ja  s’a procedit a  hèr cremes controlades d’aguesti  parçans.

A compdar  d’aguesta  net, es previsions indiquen qu’es  umitats relatiues  seran més nautes en parçan , segontes   eth Servici  Metereològic de Catalunya (SMC),e  ajudaran a mantier més estable eth  perimètre deth huec.

Segontes  era darrèra estimacion er huec aurie afectat ues 400 ectarees de vegetacion de pastures.

Se preveis que, deman dimenge , eth madeish dispositiu tornigue de nau as trabalhs d’escandiment.