• Era pròplèu pròva deth circuit Freeride Junior Tour serà eth 28 e 29 de gèr en Baqueira Beret (El Dorado Freeride Junior Baqueira 2*)
Era passada dimenjada, se celebrèc era Freeride Junior Tour Les Arcs 3* a on eth joen aranés de 16 ans, Abel Moga Carracedo, deth Club Esquí Emotion, obtenguec era tresau posicion.
Axel Tukiainen, tanben deth Club Esquí Emotion, acabèc en un meritòri 25au lòc e es sòns companhs d’equipa, Pol Tellosa Badia (45au) e Jordi Riba (53au), non aueren era madeisha sòrt e queigueren.
Er entrenador deth Club Esquí Emotion, Cristian Boiria, se mostrèc fòrça satisfèt damb eth resultat artenhut e lamentèc es caigudes de Pol e Jordi.
Abel Moga, Pol Tellosa e Axel Tukiainen son laguens deth programa annau de Tecnificacion en Freeride deth Conselh Generau d’Aran.
Era pròplèu pròva deth circuit Freeride Junior Tour serà eth 28 e 29 de gèr en Baqueira Beret.
Vielha, 23 de gèr de 2017
Conselh Generau d’Aran: Núria Sanjuan
Foto: Club Esquí Emotion/Cristian Boiria