Era passada dimenjada se disputèc ena estacion d’esquí d’Astún era 2au Fasa corresponenta ara COPA AUDI ESPANHA d’esquí aupin des categories U14 e U16.

Aguest eveniment amassèc pendent 3 dies as melhors esquiadors nacionaus d’aguestes categories entà disputar 4 pròves des diferentes disciplines.

Eth corredor deth CAEI e apertenent ath programa de Pre Tecnificacion deth Conselh Generau d’Aran, Lluc de Castellarnau, dèc un còp d’autoritat ena categoria U14 e s’impausèc en 2 des 4 pròves e artenhec era dusau plaça enes autes 2, en tot rebàter atau eth gran moment de forma en que se tròbe. Açò ac met coma lidèr dera Copa Espanha, en tot arribar ara darrèra fasa damb eth dorsau de lidèr e 215 punts d’avantatge deth 2au.

Soslinhar tanben era accion dera sua companha María Ruíz, corredora deth CAEI e tanben apertenent ath programa de Pre Tecnificacion deth Conselh Generau d’Aran, se pugèc ath pòdium ena pròva de gigant damb un meritòri 3au lòc e se mantenguec en top 10 dera categoria U16.

Fin finau díder qu’es corredors deth CAEI: Marc Ubeira e Eneko Ros tanben aueren ues granes accions pendent era dimenjada, en tot demostrar atau qu’es petiti dera categoria pugen damb fòrça.

Mès informacion: http://www.caei.es/

Vielha, 5 de març de 2019

Conselh Generau d’Aran: Núria Sanjuan

Informacion e fotos: CAEI