• Pòl Tellosa, deth Team Escuela Emotion e membre deth Programa de Pretecnificacion deth Centre Especializat ena Tecnificacion Esportiua d’Espòrts d’Iuèrn dera Val d’Aran, se place eth 20au deth classament mondiau.
Pòl Tellosa e eth sòn 360 ena ròca. FOTO: Tim Lloyd
Dissabte passat, 6 de hereuèr, se disputèc era Freeride Junior Tour de Chamonix 3*, ena que participèren 90 riders de diferenti païsi coma Naua Zelanda, Soïssa, Alemanha, Itàlia, Andòrra, Mexic e coma non es joeni dera Val d’Aran deth Team Escuela Emotion e membres deth Programa deth Centre de Pretecnificacion dera Val d’Aran: Pòl Tellosa, Abel Moga, Jordi Riba e Axel Joaniquet.
De quèrra a dreta: Abel Moga, Cristian Boiria e Jordi Riba. FOTO: Tim Lloyd
Es joeni riders tornèren a demostrar eth naut nivèu qu’aquerissen dempús de 8 ans formant-se en aguest club aranés de freeride liderat peth rider e entrenador, Cristian Boiria.
Pòl Tellosa e Abel Moga. FOTO: Escuela Emotion
En Freeride Junior Tour hèn concurréncia riders d’entre 14 a 18 ans e Pòl Tellosa, as sòns 14 ans, artenhec aguest gran resultat en ua des 3 carrères mès importantes der an. Gràcies ad aguest gran resultat se place 20au deth classament mondiau.
Abel Moga en tot shiftear en ua ròca mieja dera sua “rònda”. FOTO: Tim LLoyd
Pòl Tellosa realizèc un esquí fluïd damb un gran 360 en ua ròca, acompanhat d’ua grana volada finau, recepcionant fòrça mès luenh que toti es auti participaires qu’escuelheren era madeisha ròca. Abel Moga, de 15 ans, non ac hec bric mau e artenhec èster 26au, 3 ròques incredibles decorades damb freestyle l’auessen portat ath top 10 se non auesse patit ua petita fauta de contròl ena zòna finau. Jordi Riba, de 17 ans, hec ua linha excellenta sense errances mès a causa deth sector, que dejà ère en fòrça dolentes condicions pes anteriors participaires, non podec anar fòrça rapid e es jutges non ac avalorèren fòrça. Axel Joaniquet, de 16 ans, li passèc çò de madeish e demorèc 36au.
Es pròplèus parades seràn Piau Engaly, Val Thorens, La Rossiere e Verbier.
Jordi Riba. FOTO: Escuela Emotion
Eth Centre de Tecnificacion Esportiua d’Espòrts d’Iuèrn dera Val d’Aran (CETEI), restacat ara Reiau Federacion Espanhòla d’Espòrts d’Iuèrn (RFEDI) e ara Federacion Catalana d’Espòrts d’Iuèrn (FCEH), a coma objectiu ajudar ara progression de joeni promeses e velhar pera sua formacion integrau. Eth Conselh Superior d’Espòrts dèc eth vist e platz ara creacion deth Centre Especializat ena Tecnificacion Esportiua d’Espòrts d’Iuèrn dera Val d’Aran, prebotjat peth Conselh Generau d’Aran que se cargue de gerí’c.
Mès informacion: www.escuelaemotion.com
Vielha, 11 de hereuèr de 2016
Conselh Generau d’Aran: Núria Sanjuan
Informacion facilitada per: Escuela Emotion. (info@escuelaemotion.com )