• Eth departament de Cultura e Lengua deth Conselh Generau d’Aran a collaborat damb eth govèrn andalós entà aufrir contengut en aranés en espaci qu’a abilitat entà dar a conéisher era diversitat lingüistica der estat Espanhòu ar escolanat de tresau cicle de primària

Eth govèrn deth Conselh Generau d’Aran trabalhe ena promocion, normalizacion e er impuls der aranés autant laguens coma dehòra dera Val d’Aran. En aguest sens, eth departament de Cultura e Lengua a collaborat damb era Junta de Andalucía entra aufrir materiau en aranés entre es recorsi digitaus creadi pera Conselheria de Desvolopament Educatiu e Formacion Professionau deth govèrn andalós, a on an includit un espaci entà dar a conéisher era diversitat lingüistica der estat Espanhòu. Er objectiu ei qu’es mainatges en tresau cicle de primària descorbisquen es autes quate lengües oficiaus: euskera, galhèc, catalan e aranés.

Era descubèrta se hè a trauès de jòcs e pòden escotar diuèrsi contenguts en cada ua des lengües. En aranés trobam un dialòg, un arrepervèri, vèrsi de Mossen Josèp Condò, er imne de Montanhes Araneses e era cançon eliminativa Toti pelhuti. Aguesti contenguts an estat proporcionadi peth departament de Cultura e Lengua deth Conselh, damb era collaboracion especiau de Manuela Amiell, e se pòden consultar ena web deth Banc de Recorsi dera Junta.

Vielha, 10 de hereuèr de 2023