IMATGE: CONGRESO DE LOS DIPUTADOS

• Aué s’a aprovat en Plen deth Congrès era reforma deth sòn Reglament entà perméter er emplec des lengües cooficiaus en emicicle, entre eres, er aranés

• Era sindica d’Aran sollicitèc ara presidenta deth Congrès eth passat mes d’agost qu’era nòsta lengua pròpria, oficiau en Catalunya, podèsse èster tanben emplegada

 Aguest dijaus s’a ratificat en sen deth Plen deth Congrès des Deputats era reforma deth Reglament dera cramba entà perméter er emplec des lengües cooficiaus, entre eres, er aranés.

Eth passat mes d’agost, era sindica d’Aran, Maria Vergés, s’adreçaue per carta ara presidenta deth Congrès, Francina Armengol, entà demanar qu’er aranés podesse èster tanben emplegat en emicicle. Aguesta demana recebec ua responsa afirmativa, que culmine aué damb era aprobacion dera modificacion d’aguest Reglament.

“Aguesta ei ua notícia excellenta entara Val d’Aran e ua mòstra de reconeishement importanta tara nòsta lengua pròpria” asseguraue era sindica d’Aran, en tot híger:  “ei un prumèr pas fòrça important en trabalh qu’amiam a tèrme entà arténher eth reconeishement dera singularitat d’Aran e deth nòste autogovèrn per part der Estat Espanhòu”.