Tòn Cónsul e Alexanne Bouillon obtengueren ager dimenge, 19 de hereuèr, era minima en programa long per parelhes en campionat internacionau de patinatge artistic sus gèu: Bavarian Open, que les da eth passapòrt entath Campionat deth Mon Junior de Tapéi que se celebrarà eth pròplèu mes de març.

Tòn participarà en Mondiau Junior en dues categories: individuaus e parelhes.

Era parelha de patinatge artistic formada per aranés Tòn Cónsul Vivar e Alexanne Bouillon obtengueren ager dimenge, 19 de hereuèr, en campionat internacionau de patinatge artistic sus gèu: Bavarian Open (Oberstdorf. Alemanha) era minima en programa long que les dèc eth passapòrt entath campionat deth mon júnior, en tot arténher 129,37 punts, entà acabar ena quatau posicion, atau Tòn participarà en dues categories en mondiau junior.

Eth Campionat deth Mon Júnior se disputarà eth pròplèu mes de març en Taipéi.

Tòn, signèc un convèni damb eth Conselh Generau d’Aran e Foment Torisme Val d’Aran entà promòir era destinacion toristica esportiua Val d’Aran peth mon, representada ena imatge e enes valors deth joen patinador, e dera equipa que hè part, mejançant eth patrocini institucionau.

Vielha, 20 de hereuèr de 2017

Conselh Generau d’Aran: Núria Sanjuan