Er Espitau Val d’Aran aufrís dejà era possibilitat de realizar pròves PCR privades

mai 26, 2021 Notícies, Sanitat

  • Es persones qu’agen de besonh un resultat negatiu entà viatjar o per d’auti motius, poiràn realizar-se ua PCR privada en Espitau Val d’Aran e recéber es resultats en 24 ores

Pr’amor der aument de disponibilitat de pròves PCR, a compdar d’aguesta setmana, er Espitau Val d’Aran aufrís era possibilitat de realizar-les de forma privada as persones qu’ac agen de besonh per motius de mobilitat o per d’autes rasons.

Es mòstres se preneràn de deluns a diuendres de 11:00 a 11:30 e serà de besonh demanar cita per auança en tot telefonar ath 973642276, o a trauès der apartat “contacta” dera web d’Aran Salut.

Eth prètz d’aguestes pròves ei de 95 euròs e es resultats seràn disponibles en 24 ores. Tot eth procediment se gestionarà des der airau d’admission d’urgéncies der Espitau.

Comments are closed.