• Cinc esquiaires deth Centre de Tecnificacion dera Val d’Aran presents en campionat en representacion der IES d’Aran, a on corsen es sòns estudis.

• L’Aquila (Itàlia) acuelh deth 22 ath 27 de hereuèr eth Mondiau Escolar d’Esquí 2016.

Era Federacion Internacionau d’Espòrt Escolar (ISF) a comunicat qu’aguest campionat preve amassar a uns de 550 esportistes e 150 acompanhaires entre tecnics e delegats provenenti de 10 en 15 païsi, principauments europèus.

Es 5 esquiaires d’esquí aupin deth Centre de Tecnificacion dera Val d’Aran qu’estúdien en IES d’Aran e que participaràn en Mondiau Escolar d’Esquí 2016 son:

– Aingeru Garai
– Marc Montes
– Albert Ortega
– Ramón Barrufet
– Andrés Fornesa

Es representants der IES d’Aran anaràn acompanhadi per entrenador Willy Churruarín.

Es scenaris de competicion seràn es estacions d’esquí de Campo Felice e Ovindoli Monte Magnola.

Es pròves seràn: un eslalom e un eslalom gigant.

Luís Carlos Medina, vicesindic d’Aran e conselhèr d’Espòrts a manifestat “era representacion der IES d’Aran en Campionat deth Mon Escolar d’Esquí Aupin, met en evidéncia eth gran trabalh que se realize en Centre de Tecnificacion dera Val d’Aran, gràcies tanben ath supòrt des diferenti clubs d’esquí aranesi, des Federacions e der IES d’Aran”.

Vielha, 23 de hereuèr de 2016

Conselh Generau d’Aran: Núria Sanjuan