Vielha, 16 de noveme de 2018.- Era Generalitat de Catalunya publiquèc delàger en Diari Oficiau eth nòm des entitats que hèn part deth Recensament d’entitats de promocion der occitan (aranés en Aran).

Aguest Recensament siguec creat eth passat mes de juny de 2018. En Recensament i son includides es seguentes Associacions: Associacion culturau Institut Aranés, de Lleida; Associacion entara Difusion d’Occitània en Catalonha (ADOC), de Barcelona; Associacion Es Paums, de Vilamòs (Val d’Aran); e eth  Cercle d’Agermanament Occitano-Català (CAOC), de Barcelona.

Tant er Institut Aranés coma era Associacion Es Paums collaboren en tèmes de llengua damb eth Departament de Politica Linguistica deth Conselh Generau d’Aran. Er Institut Aranés damb era gestion dera plataforma Club Aranés tà apréner aranés on-line que amasse a mès de 700 alumnes de tot eth mon e era Associacion Es Paums damb era creacion e produccion de musica en aranés e era revirada de tèxtes ar aranés.

Damb aguesta incorporacion era Generalitat de Catalonha met ath madeish nivèu adaguestes associacions damb es que promocionen eth catalan e represente un còp de man en favor der aranés. Ath delà apuie eth trebalh des Associacions tà fomentar er aranés.

Aqueri que hèsquen donacions adaguestes associacions pendent er an 2018 poderàn descompdar-se un 15 % dera aportacion, damb un límit màxim deth 10 % dera quòta autonomica, ena Declaracion dera Renda, en 2019.