Imatge d’archiu dera passada primauera de Goiat

A prumèra ora d’aguest maitin, er os Goiat, liberat en Pallars era passada primauera en marc deth projècte PirosLife, a tornat ara Val d’Aran. Pendent era net e prumèra ora deth maitin a crotzat es municipis de Bausen e Les, en tot trobar-se es darrères localizacions a tocar deth tèrme de Bossòst. Pendent diuèrsi mesi aguest os non s’a botjat des departaments francesi dera Haute- Garonne e es Nauti Pirenèus. Calerà veir s’a tornat entà passar er iuèrn o ben a estat ua visita ocasionau.

                                                           Imatges d’archiu dera passada  primauera. ORIOL ALAMANY

Per un aute costat, es resultats des analisis genetics des mòstres arrecuelhudes ena primauera, an permetut identificar era femelha damb dues cries que siguec vista enes immediacions de Bagergue ena primauera. Se tracte dera ossa Bambou (hilha de Hvala e un mascle esloven). Eth pair des cries, ua que n’ei un mascle, serie o eth prolific Piros o ben Moonboots (hilh de Piros).

Vielha, 16 de noveme de 2016

Conselh Generau d’Aran: Núria Sanjuan