• Eth Conselh Generau d’Aran s’a aderit recentaments ara centrau de crompes.

• Era ACM trabalhe entà seguir en tot potenciar eth factor ecologic sostenible enes sòns productes energetics.

6 Ajuntaments e eth Conselh Generau d’Aran aquerissen bèth producte o servici a trauès dera Centrau de Crompes deth mon locau, impulsada pera Associacion Catalana de Municipis e Comarques (ACM). Es entitats locaus artenhen melhors prètzi, maximala seguretat juridica, estauviament es procediments e expertesa locau.

Actuauments, era Centrau de Crompes aufrís 9 productes o servicis (gas, electricitat, veïculs, assegurances, maquines tecniques, impression e multifuncion, papèr de burèu, equipaments informatics e sistèma de vidèo actes), qu’an coma objectiu qu’es entitats locaus catalanes poguen aufrir servicis de qualitat ara ciutadania.

Entà presentar era Centrau de Crompes, mès tanben entà debàter er impacte dera naua lei de contractes en mon locau, era ACM amie a tèrme un seguit de jornades en territòri entà cambiar impressions e inquietuds damb tecnics locaus.

Eth Conselh Generau d’Aran, a acuelhut era cincau jornada territoriau presidida peth sindic d’Aran, Carlos Barrera, qu’a explicat: “Era Centrau de crompes ei interessanta entara Val d’Aran, entath Conselh Generau e entàs 9 ajuntaments e es 12 EMD’s araneses pr’amor qu’ajude a reünir esfòrci e hèr melhor eth nòste trabalh”.

Atau madeish, eth secretari generau dera ACM, Marc Pifarré, a metut en valor eth hèt qu’, “ath marge des 6 ajuntaments, enguan, eth Conselh Generau tanben s’a aderit ara centrau de crompes e comence a utilizar-la”.

Centrau de Crompes cap en Catalonha

Actuauments, era Centrau de Crompes deth mon locau compde damb 942 entitats locaus qu’aquerissen productes o servicis mejançant aguest sistèma pionèr. Aguesta chifra demòstre qu’ei era Centrau Crompes mès utilizada en Estat espanhòu. En cas des ajuntaments, 77,4% crompen bèth producte dera Centrau de Crompes.

Eth subministrament electric ei eth servici mès contractat damb mès de 700 entitats locaus, seguit pes assegurances (479 entitats locaus) e eth subministrament de gas (178 entitats locaus). Auti productes de major envergadura e còst coma es veïculs (87 entitats locaus) e era maquinària tecnica (14 entitats locaus) tanben comencen a èster contractadi. Eth darrèr servici licitat, eth sistèma de vidèo actes dejà comence a arrecéber es prumères demanes d’ajuntaments.

Mès informacion:  http://www.acm.cat/

Vielha, 16 de març de 2017

Conselh Generau d’Aran: Núria Sanjuan

Hònt: ACM