• Es aranesi Marc Vidal Bardolet der ANEC e Roger Espinet López deth CAEI se portèren er argent e eth bronze respectivaments.

Era hondista aranesa der ANEC, Lydia Iglesias Barés, naut deth podium. 

Dimenge passat, 28 de hereuèr, era estacion d’esquí nordic Llanos del Hospital de Benasque acuelhec eth Campionat d’Espanha de Longues Distàncies d’esquí de hons que coïncidic damb era XVIII Marxa Pla d’Estan. Aguest Campionat, puntuable tanben entara 11au Copa Catalana dera disciplina, se disputèc enes distàncies de 10, 15, 30 quilomètres e jos era tecnica classica. En aguesta competicion participèren 106 hondistes.

Era aranesa Lydia Iglesias, der ANEC, se proclamèc campiona d’Espanha en U20 (15Km). En U18 (15Km), er aranés Marc Vidal der ANEC se portèc er argent seguit deth tanben aranés, Roger Espinet deth CAEI, qu’artenhec eth bronze.

Aguesta sason era Federacion Catalana d’Espòrts d’Iuèrn (FCEH) tecnifique en aguesta disciplina a 13 esportistes, entre eri es araneses: Marta Céster, Lydia Iglesias e Maria Iglesias.

Vielha, 2 de març de 2016

Conselh Generau d’Aran: Núria Sanjuan

Hònt: FCEH