Eth conselhèr de Salut e Benéster d’Aran, Eduardo Valdecantos, assistic ara tradicionau trobada damb ADDA (Associacion de Discapacitats d’Aran), entà celebrar es hèstes de Nadau.

ADDA, se formèc er an 2000, jos er impuls der alavetz e ena actualitat sindic d’Aran, Carlos Barrera, damb er objectiu de dar responsa tad aqueth grop de persones dera associacion damb discapacitat psiquica, que degut as sues caracteristiques non podien accedir as Centres Especiaus de Trabalh.

Damb aguest objectiu se creèc eth Talhèr Ocupacionau ADDA, que respon as besonhs des usatgèrs dera Val d’Aran e dera Alta Ribagorça.

En paraules deth conselhèr Valdecantos “es objectius principaus d’ADDA son era integracion sociau des persones, en tot trabalhar en ambits dera comunicacion e es abilitats sociaus. Cau destacar eth programa esportiu qu’includís: natacion, gimnàs e iòga, atau coma tanben eth Talhèr de manualitats, damb activitats de teràpia ocupacionau e activitats ludiques coma gessudes, esquí e vacances”.