• Aguesta Comission ei er òrgan permanent de relacion entre es govèrns deth Conselh Generau d’Aran e era Generalitat de Catalunya, e a coma objectiu estudiar, debàter e hèr prepauses entath desvolopament der autogovèrn d’Aran, atau coma prepausar era transferéncia o delegacion de competències e acordar es traspassi de bens ara maxima institucion aranesa

Deman, 2 de noveme, s’amiarà a tèrme en Barcelona era amassada dera Comission Bilaterau entre es govèrns dera Generalitat de Catalunya e eth Conselh Generau d’Aran, atau coma establís era Lei 1/2015 de Regim Especiau d’Aran, que ditz qu’aguesta comission s’a d’amassar aumens un còp ar an.

Era Comission Bilaterau deth Conselh Generau e era Generalitat ei er òrgan permanent de relacion entre andús govèrns, e qu’a coma objectiu estudiar, debàter e hèr prepauses entath desvolopament der autogovèrn d’Aran, definir es critèris e es mecanismes de collaboracion e coordinacion entre es departaments e es servicis dera Generalitat e deth Conselh, atau coma prepausar era transferéncia o delegacion de competències e acordar es traspassi de bens e servicis inerents as competències dera maxima institucion aranesa.