Era Comission ei integrada peth sindic d’Aran, Carlos Barrera, eth vicesindic 1èr, Luís Carlos Medina e es pòrtavotzes des grops dera oposicion ath Conselh Generau d’Aran, e s’amassèc entà resòlver es discordàncies competenciaus sometudes peth Govèrn der Estat manifestades en relacion ara Lei d’Aran

Ager, deluns 16 de noveme, s’amassèc ena sedença deth Conselh Generau d’Aran, era Comission d’Ahèrs Institucionaus deth CGA, formada peth sindic d’Aran, Carlos Barrera, eth vicesindic 1èr, Luís Carlos Medina, atau coma es pòrtavotzes des formacions politiques dera oposicion, Jose Antonio Bruna (PRAG) e Amador Marqués (PSC-UA).

Era comission servic entà tractar es arguments entà resòlver es discordàncies competenciaus sus era Lei d’Aran, sometudes peth Govèrn der Estat, manifestades per rapòrt as articles 5, 8, 48 e 53, era Disposicion addicionau prumèra, Disposicion addicionau dusau e era Disposicion finau quinta dera Lei 1/2015, de 5 de hereuèr, deth Regim Especiau d’Aran.

Aguesta Comission se tornarà a amassar tan bon punt i age coneishença dera resolucion dera Soscomission de Seguiment Normatiu, Prevencion e Solucion de Conflictes dera Comission Bilaterau Generalitat-Estat.

Cau arrebrembar, qu’er Article 5 dera Lei d’Aran, se referís ara integracion singulara d’Aran ena division territoriau pròpria de Catalonha.

D’auta banda, ena Disposicion addicionau Prumèra, eth Parlament de Catalonha, dejà a expressat era reconeishença en pòble aranés sus eth Dret a Decidir eth sòn futur.