Vielha, 21 de seteme de 2018.- Era conselhèra de Torisme d’Aran, Anna Díaz, amassa damb eth director comerciau de Baqueira Beret, Xavier Ubeira, presentèren pendent era prumèra setmana de seteme en Tòquio (Japon), era campanha dera pròplèu sason d’iuèrn ena Val d’Aran, as operators toristics japonesi mès importants.

Era presentacion debanèc ena sedença der Institut Cervantes de Tòquio a on tanben i assistiren representants de Turespaña e dera Agéncia Catalana de Torisme.

Ar acte de presentacion dera campanha d’iuèrn i assistiren 100 representants de diferenti touroperadors deth Japon, que Rakuten Travel, Miki Tourist, que trabalhe damb sies enterpreses minoristes mès distribuïdes per Japon, e representantes dera revista Globe-trotters Magazine.

Era conselhèra de Torisme d’Aran, Anna Díaz, avalorèc fòrça positivaments eth hèt de poder mantier un contacte dirècte e personau damb es representants des enterpreses toristiques japoneses mès importantes, que se mostrèren fòrça interessades peth nòste destin toristic de montanha e d’esquí. Anna Díaz profitèc es diferentes amassades entà hèr conéisher era gran aufèrta toristica e es possibilitats qu’aufrissen es espacis naturaus dera Val d’Aran pendent tota er an.

Anna Díaz expliquèc tanben qu’era campanha d’iuèrn dera Val d’Aran serà presentat as hèires toristiques de Londres e París, tanben enes Païsi Nordics e a d’autes ciutats dera rèsta de França. Fin finau, tanben arrebrembèc que coma cada an se haràn diferentes presentacions de Torisme Val d’Aran e Baqueira Beret enes principaus caps-lòcs espanhòles e catalanes.