Vielha 15 de hereuèr de 2017.- Era conselhèra de Torisme Anna Díaz participe eth pròplèu dijaus 16 de hereuèr ena 1èra edicion deth Congrès Mondiau dera OMT (Organizacion Mondiau deth Torisme) que se celèbre en Múrcia deth 15 ath 17 de hereuèr.
Era Organizacion Mondiau deth Torisme, amassa damb eth Reiaume d’Espanha e era Comunitat Autonòma dera Region de Múrcia, organizen eth Ièr Congrès Mondiau dera OMT sus Destinacions Intelligentes damb era fin de liderar e conformar aguest nau modèl toristic deth sègle XXI basat ena Innovacion, Tecnologia, Sostenibilitat e Accessibilitat, deuant deth rèpte que signifique eth cambi deth perfil deth torista qu’a provocat era innovacion e era tecnologia.
Era conselhèra de Torisme deth Govèrn d’Aran, Anna Díaz, participarà coma ponent ena taula redona “Los destinos ante el reto de la innovación”. Moderada per Nuria Díaz, Sosdirectritz Adjunta de Fomento de la Innovación Ministerio de Economía, Industria y Competitividad.
Ponents:
- Susana Ibañez, Secretaria General para el Turismo, Junta de Andalucía (España).
- Federico de Arteaga, Director de Planificación, Grupo JB José Cuervo (Tequila, México).
- Jose Antonio Belmonte, Director de l’Oficina de Innovación, Instituto de Turismo de la Region de Murcia (España).
- Ilanit Malkior, Gerent de Torisme, Jerusalem Development Authority.
- Anna Díaz, Conselhèra de Torisme, Comèrç e Consum, Conselh Generau d’Aran (Espanha).
Era Val d’Aran Destinacion Toristica Intelligenta
Siguec en gèr deth passat an 2016 que pendent era celebracion de la Feria Internacional del Turismo FITUR, era Val d’Aran arrecebec era distincion coma Destinacion Toristica Intelligenta (DTI) concedida pera Sociedad Estatal para la Gestión de la Innovación y las Tecnologías Turísticas (SEGITTUR).
Aguesta reconeishença dera Val d’Aran, se some a autes anteriores entre es que destaquen eth de destinacion sostenible Biosphere autrejat peth Global Sustainable Tourism Council dera Fundación Naciones Unidas, finalista des Destination Leadership concedidi pera National Geographic Society e era ITB de Berlin.
Programa Congrès Mondiau dera OMT