• Arantec Enginheria S.L, se convertís atau ena dusau empresa deth territòri de Lhèida qu’arrecep aguesta certificacion

Dimars passat, era empresa aranesa, Arantec Enginheria S.L, arrecebec de mans deth conselhèr d’Empresa e Trabalh d’Aran, Eduardo Valdecantos, e deth vicepresident deth Patronat de Promocion Economica e president deth Conselh Directiu dera Fondacion CEEILleida, Pau Perdices, era certificacion d’Empresa de Basa Tecnologica (EIBT).

Era Marca EIBT ei un programa especific que cada CEEI aufrís as empreses de Basa Tecnologica deth sòn entorn e qu’a coma objectiu qu’aguestes siguen distinguides a nivèu nacionau coma EIBTs. Era marca d’Empresa Innovadora de Basa Tecnologica se configure coma element diferenciador e de comunicacion entad aguestes enterpreses, donques qu’ei ua reconeishença coma EIBT a nivèu nacionau que compde damb eth recolzament deth Ministèri d’Indústria, Energia e Torisme.

Entà arténher era marca, ath delà de justificar era basa tecnologica dera empresa, cau auer un nivèu d’innovacion a nivèu nacionau contrastat e diferenciau, per aguest motiu i a en cada comunitat, fòrça mès empreses de basa tecnologica qu’es que reauments ostenten era marca.

Ei fonamentau e estrategica era foncion des EIBTs coma mecanismes de desvolopament economic des regions donques que permeten tradusir era activitat empresariau era capacitat d’innovacion e desvolopament tecnologic des actors que se dediquen ad açò: universitats, laboratòris, centres tecnologics e empreses.

Es EIBTs resulten importantes entara economia pr’amor que:

– Tradusissen era activitat empresariau era capacitat d’innovacion e desvolopament tecnologic d’universitats, laboratòris, centres tecnologics e empreses.

– Son impulsadi ena sua majoria per joeni emprenedors damb nauta qualificacion qu’enriquissen eth collectiu empresariau dera region.

– Mantien importants laci e collaboracions damb Universitats e Centres Tecnologics.

– Genèren aucupacion de qualitat de personau qualificat.

– Era I+D ei clau en sòn modèl de negòci e ada era dediquen un important esfòrç de recorsi, tant umans coma economics.

– An un gran potenciau de desvolopament nacionau e internacionau.

– Contribuïssen ara melhora dera balança comerciau, donques que son empreses productores de bens e servicis de naut valor ahijut e damb capacitat d’exportacion e/o de substitucion d’importacions.

– Supausen ua diversificacion e complementarietat entath hilat economic locau.

– Permeten a ua region desvolopar-se mejançant era generacion de riquesa pròpria e exportable en sectors de futur, en tot garantir un desvolopament sostenible en temps.