Vielha, 1 d’agost de 2018.- Era equipa ciclista Massi Kuwait Cicling Project a on milite eth corredor aranés Ruben Caseny, a participat ena edicion d’enguan deth Gran Prèmi d’eth “Circuit de Getxo” categoria UCI – Memorial Ricardo Otxoa.

Eth ciclista Ricardo Otxoa moric atropelhat en 2001 en un accident en eth que resultèc herit fòrça grèu eth sòn frair tanben ciclista professionau, Javier Otxoa.

Eth Conselh Generau d’Aran, Torisme Val d’Aran e Ajuntament de Naut Aran, dan supòrt ara mèrca catalana de biciclètes Massi, impulsora d’aguesta equipa a on concor er esportista aranés Ruben Caseny.

Ruben Caseny, ei un des esportistes de naut nivèu dera Val d’Aran que des de hè ans collabòre damb eth Conselh Generau d’Aran e Torisme Val d’Aran ena promocion dera Val d’Aran a trauès dera sua participacion en pròves ciclistes nacionaus e internacionaus.

Per aguest motiu eth vicesindic d’Aran e conselhèr d’espòrts, Luís Carlos Medina, se desplacèc enquia Getxo entà dar supòrt ara equipa ena sua participacion ena dusau carrèra UCI qu’an concorrut aguesta sason.