Vielha, 14 de març de 2016.- Eth sector dera ostalaria e era restauracion ei un des èishi sus es quaus trabalhe Ecovidrio entà incrementar era taxa de reciclatge, que consumís apròp de 50% des envasi de veire d’un solet emplec que se produsissen en tot er Estat.

Era iniciativa, comncèc en deseme passat damb era realizacion d’enquèstes e entrevistes as establiments d’ostalaria de toti es municipis dera Val d’Aran entà conéisher de prumèra man quini son es sòns besonhs e poder adaptar es recorsi existents. S’an visitat mès de 240 establiments que s’includissen bars, restaurants, otèls e locaus d’òci.

En cas deth Naut Aran, s’a amiat a tèrme ua promocion especiau entre es establiments des nuclèus deth municipi. S’an visitat mès de 122 establiments, que 75 se ne an aderit ara campanha damb er unic compromís de reciclar eth veire corrèctaments.

Pendent eth liurament deth prèmi, eth conselhèr de Territòri José Antonio Boya, destaquèc “era escomesa fèrma deth Govèrn de Aran entà favorir eth reciclatge, atau coma eth supòrt e reconeishement as establiments otelèrs dera Val d’Aran”.