• Pòdis deth CAEI tà Iker Vidal, Sara Dones, Lua Moga e Oriol Filella

Era darrèra dimenjada de hereuèr, era equipa de Surf de nhèu deth CAEI disputèc ua edicion mès dera Marmota surfera organizada peth club Masella Team e era madeisha federacion, a on s’amassauen mainatges e mainades d’entre 4 e 14 ans enes modalitats de surf de nhèu e freeski.

A destacar es bohades de vent intermitents qu’exigien as raiders era maximala concentracion ath moment de decidir quan iniciar era linha, entà non auer problèmes d’equilibri en préner aire enes kickers.

Joeni Snowboarders e Freeskiers d’entre 4 e 14 ans gaudiren dera competicion en un slopestyle dessenhat en snowpark dera Masella, damb era efectivitat qu’aufrís auer ua còrda de transpòrt pr’amor qu’es corredors dempús dera finalizacion dera linha deth slopestyle enquiath sòn punt d’inici podessen executar infinitat de rondes, en tot arténher çò qu’ei era esséncia, se tracte d’arténher en aguestes competicions e potenciar eth Freestyle entre es mès petiti e petites en tot permeter-les adaptar-se as moduls progressivaments en desvolopament de fòrça rondes d’entrenaments. Açò influïc ena quantitat de rondes que poderen realizar toti es mini freestylers, en tot dar mès notorietat ar espectacle quitament es rondes d’escauhament e entrenaments anteriors ara pròva.

Era jornada consistie en un slopestyle, damb tres kickers de diferenti nivèus a escuélher, ath delà de moduls de jibbing que se trobauen entre eth calaish ample, calaish box era pujada, calaish plan baishat 4X4 mètres e Rainbow.

Maugrat era prevision de fòrts vents, 35 snowboarders e freeskiers enquia 14 ans, provenenti de diferenti punts deth Pirenèu poderen gaudir d’un park, encara que petit, excellentment adaptat ara competicion damb ua fluïdesa enes rondes envejables per autes estacions damb parks mes grani mès fòrça mens fluïts en rondes, qu’ei çò que hè qu’aguesti petiti raiders auancen a uns ritmes excellenti.

Fin finau es participaires poderen realizar tres rondes que puntuauen era melhor entà decidir era posicion des diferenti pòdis. Se vederen fòrça boni trucs per part des freestylers deth futur.

En finalizar era competicion poderen gaudir de pícnic deth patrocinador Nocilla e regals enes pòdiss de HG Sports.

Es pòdis deth CAEI Surf de nhèu Team sigueren es següents:

INFANTIL II MASCULIN………………1r- IKER VIDAL.
INFANTIL I FEMENIN………………..1a- SARA DONES; 3aua LUA MOGA.
INFANTIL I MASCULIN………………..2au ORIOL FILELLA.