• Era equipa, en proclamar-se campiona, se classifique entà disputar era fasa finau de Midi- Pyrenees que se disputarà es pròplèus setmanes.

Eth passat 23 de gèr era equipa dera Escòla de Fotbòl Val d’Aran se proclamèc campiona dera fasa finau territoriau de fotbòl sala -13 (escolanes de 6au d’Educacion Primària e 1èr d’ESO) deth Districte Haute- Garonne Comminges (França).

Era equipa dera Escòla de Fotbòl Val d’Aran disputèc un totau de cinc partits, en tot guanhar 4 d’eri e en tot egalizar un a zèro gòls.

Siguec era unica equipa dera competicion que non encaishèc cap gòl en tot èster tanben era maximala golejadora.

Era equipa ac formauen María, Eric, Quim, Íber, Joaquín, Youssef, Iker e Gonzalo.

Era Escòla de Fotbòl Val d’Aran s’a classificat entà disputar era fasa finau de Midi- Pyrenees que se disputarà en ua localitat francesa pròpèra a Toulouse enes pròplèus setmanes.

Vielha, 29 de gèr de 2016

Conselh Generau d’Aran: Núria Sanjuan