• Eth Comitat d’Arbitres d’Esquí de Montanha realize era sua Jornada de Formacion Continua Annau que permet era actualizacion des arbitres en diuèrses matèries coma es reglaments, tèmes de seguretat e prumèrs auxilis.

Foto: FEDME

Es dies 27 e 28 de noveme era Escòla de Tecnics Esportius dera Val d’Aran (ETEVA) de Salardú acuelhec era Jornada de Formacion Continua dirigida as Arbitres d’Esquí de Montanha dera FEDME (Federacion Espanhòla d’Espòrts de Montanha e Escalada).

Es objectius d’aguesta jornada de formacion èren conéisher eth Reglament de Competicion d’Esquí de Montanha dera sason 2015-2016, actualizar coneishences e abiletats entà arbitrar competicions, reflexionar sus eth ròtle der arbitre enes carrères d’esquí de montanha, dominar procediment e format des actes arbitraus, actualizar coneishements en comunicacions pendent es carrères d’esquí de montanha de competicion atau coma conéisher principis de prumèrs auxilis ena competicion e arbitratge.

Ath long dera madeisha, se realizèren diuèrses sessions formatives de tèmes de maximal interès entath collectiu arbitrau, en tot priorizar era actualizacion continua des integrants d’aguest grop:

• Avaloracion des competicions arbitrades pendent era sason 2015.
• Reglament de competicion d’esquí de montanha 2015-2016.
• Eth ròtle der arbitre.
• Era comunicacion enes pròves d’esquí de montanha.
• Prumèrs auxilis ena competicion.

Era metodologia de trabalh siguec fòrça dirigida ara practica activa der arbitratge der esquí de montanha de competicion.

Era jornada includic ath delà ua pròva tecnica qu’auien de realizar toti es assistents entà constatar eth sòn nivèu tecnic.

Era jornada siguec clausurada per Francisco Durà, vicepresident dera FEDME e president deth Comitat d’Arbitres dera FEDME.