• Aguestes bèques de caractèr generau entath cors acadèmic 2021-2022, son destinades tàs estudiants que corsen estudis postobligatòris
Eth Conselh Generau d’Aran, a trauès dera Oficina de Joenessa dera Val d’Aran autrejarà informacion e assessorament dera convocatòria de bèques de caractèr generau entath cors 2021/2022, deth Ministèri d’Educacion. Er objectiu ei facilitar as estudiants/es e as familhes era tramitacion d’aguestes ajudes pendent tot eth procès dera sollicitud, entà presentar tota era documentacion laguens des terminis establidi peth Ministèri.
BÈQUES DE CARACTÈR GENERAU ENTÀ ESTUDIANTS DE CORSI POSTOBLIGATÒRIS E SUPERIORS NON UNIVERSITARIS:
Es bèques se convòquen entàs estudis ara seguida:
– Bachelierat
– Formacion Professionau
– Ensenhaments artistics superiors e professionaus
– Ensenhaments esportius
– Estudis religiosi superiors
– Estudis d’idiòmes realizadi en escòles oficiaus
– Corsi d’accès e preparacion entàs pròves d’accès ara Formacion Professionau impartidi per centres publics e concertadi
– Formacion professionau basica
Requisits generaus de besonh son:
– Èster espanhòu, o possedir era nacionalitat d’un Estat membre dera Union Europèa.
– Non èster en possession o non auer es requisits legaus entara obtencion d’un títol deth madeish o superior nivèu entath quau se sollicite era bèca.
– Complir eth rèste de requisits academics e economics qu’especifique era convocatòria.
Requisits academics:
– Èster matriculat en 2021/2022 deth cors complèt o as moduls que determine era convocatòria d’un des ensenhaments nomentadi anteriorments.
– S’auràn en compde es nòtes mieges des corsi anteriors.
Requisits economics:
– Non passar es limits dera renda e patrimòni familhau establidi ena convocatòria.
Sollicituds:
Era sollicitud s’a de completar mejançant eth formulari accessible via internet a trauès dera sedença electronica deth Departament ena adreça:
https://www.mecd.gob.es/portada-mecd/
Non cau aportar documentacion, sonque en determinades situacions s’aurà d’aportar era documentacion concrèta que se li especificarà en formulari. Mès, entà ramplir corrèctament eth formulari ei de besonh auer era següenta documentacion:
– DNI de toti es membres computables dera familha
– Numèro de compde bancari (eth sollicitant a d’èster titular o cotitular)
– Matricula deth cors 2021/2022
– Donades deth cors anterior (nòm e localitat deth centre a on se realizèren es estudis er an anterior o eth darrèr an estudiat)
– S’er estudiant demore dehòra deth domicili familhau pendent eth cors escolar:
o Contracte de loguèr
o Donades dera residéncia (nom, adreça, CIF/NIF, impòrt)
– Títol de familha nombrosa
– Resolucion de reconeishement dera discapacitat (se i a quauque frair o fraia afectat)
– Frair/a universitaris, donades dera universitat a on estúdie.
Eth tèrme de presentacion des sollicituds ei enquiath 30 de seteme 2021
BÈQUES DE CARACTÈR GENERAU ENTÀ ESTUDIANTS D’ENSENHAMENTS UNIVERSITARIS:
Es bèques se convòquen entàs estudis següents:
– Ensenhaments universitaris de Grad e de Màster
– Cors de preparacion entar accès ara universitat de majors de 25 ans impartidi per universitats publiques.
Requisits generaus:
– Èster espanhòu, o possedir era nacionalitat d’un Estat membre dera Union Europèa.
– Non èster en possession o non auer es requisits legaus entara obtencion d’un títol deth madeish o superior nivèu entath quau se sollicite era bèca.
– Complir eth rèste de requisits academics e economics qu’especifique era convocatòria.
Requisits academics:
– Èster matriculat en 2021/2022 de 60 crèdits enes estudis.
– Tà estudinats de prumèr an, s’aurà en compde era nòta d’accès ara universitat.
– Tà estudiants de dusau cors, auer aprovat es credits e eth rendiment academic establit ena convocatòria.
Requisits economics:
– Non passar es limits dera renda e patrimòni familhau establidi ena convocatòria.
Sollicituds:
Era sollicitud s’a de completar mejançant eth formulari accessible via internet a trauès dera sedença electronica deth Departament ena adreça: https://www.mecd.gob.es/portada-mecd/
Non cau aportar documentacion, sonque en determinades situacions s’aurà d’aportar era documentacion concrèta que se li especificarà en formulari. Mès, entà ramplir corrèctament eth formulari ei de besonh auer era següenta documentacion:
– DNI de toti es membres computables dera familha
– Numèro de compde bancari (eth sollicitant a d’èster titular o cotitular)
– Matricula deth cors 2021/2022
– Donades deth cors anterior (nòm e localitat deth centre a on se realizèren es estudis er an anterior o eth darrèr an estudiat)
– Entà estudiants de prumèr cors era nota d’accès ara universitat
– S’er estudiant demore dehòra deth domicili familhau pendent eth cors escolar:
o Contracte de loguèr
o Donades dera residéncia (nom, adreça, CIF/NIF, impòrt)
– Títol de familha nombrosa
– Resolucion de reconeishement dera discapacitat (se i a quauque frair o fraia afectat)
– Frair/a universitaris, donades dera universitat a on estúdie.
Eth tèrme de presentacion des sollicituds ei enquiath 14 d’octobre de 2021.
Entà mès informacion e sollicitar aguesta bèca se pòden adreçar tara Oficina Joenessa dera Val d’Aran damb cita per auança, plaçada en Carrer Major 36, en orari d’atencion ath public: de deluns a diuendres de 08:00 a 15:00 ores. Telefons: 973640625; 680415451. Email: joenessa@aran.org
Entà ampliar informacion, podetz consultar era pagina web qu’a elaborat eth ministèri entara convocatòria des bèques:
https://www.becaseducacion.gob.es/becas-y-ayudas.html
Vielha, 12 d’agost de 2021