Damb motiu deth Dia mondiau dera luta contra eth SIDA, eth Conselh Generau d’Aran a trauèrs dera Oficina de Joenessa a plaçat ueit punts d’informacion en tota era Val d’Aran que tracten sus aguesta malautia. Cada punt acuelh materiau informatiu. Es punts d’informacion s’an distribusit ath long deth territòri aranés: en punt Omnia eth Haro de Les; ena zona esportiua de Bossòst; en Espitau Val d’Aran; en Centre de Formacion d’Adults; en Institut d’Aran, ena Oficina de Joenessa, ena sedença deth Conselh Generau d’Aran e ena Aubèrja de Salardú.

En paraules dera conselhèra de Salut e Benéster d’Aran, Anna Díaz, “damb eth plaçament d’aguesti punts, se sage d’informar as gojats e gojates sus era prevencion deth VIH, es malauties de transmission sexuau e es embarassi non desiradi e sus es accions de supòrt as persones, collectius, familiars o comunautats afectadi pera malautia e era sua estigmatizacion”.

Vielha, 1 de deseme de 2016

Conselh Generau d’Aran: Núria Sanjuan

Hònt: Oficina de Joenessa