Agèr dimars, 9 d’abriu, eth Govèrn dera Generalitat acordèc declarar Ben Culturau d’Interés Nacionau, ena categoria de Lòc Istoric, era Plaça deth Haro en municipi e casc antic de Les e hèr-ne era delimitacion.

En octobre deth 2017, eth Conselh Generau d’Aran, en exercici des sues competéncies, inicièc er expedient de declaracion a demana dera Direccion Generau de Patrimòni dera Generalitat e n’a portat a tèrme era instruccion. Cau remercar qu’en cors dera tramitacion non se presentèc cap allegacion e qu’er expedient recebèc es informes favorables deth Conselh Assessor deth Patrimòni Culturau Catalan e der Institut d’Estudis Catalans.

Er interès deth lòc residís en hèt de constituïr eth marc arquitectonic qu’acuelh eth Haro pendent lèu tot er an e sustot es tres hèstes qu’ath sòn torn se i desvolopen: “Era Crèma”, “Era Quilha” e “Era Shasclada”. Es hèstes, des der 1 de deseme de 2015 son declarades Patrimòni dera Umanitat pera UNESCO, en encastre des hèstes deth huec deth solstici d’ostiu des Pirenèus.

Vielha, 10 d’abriu de 2019

Conselh Generau d’Aran: Núria Sanjuan