Eth 100% deth veire depausat enes contienedors verdi se recicle e s’emplegue entà fabricar naui envasi de veire, damb era quau causa s’artenhen nombrosi beneficis mieiambientaus.

Cau depausar en contienedor verd toti es envasi de veire (sense tap)

Eth reciclatge de veire ena Val d’Aran s’a incrementat un 8,4% pendent es prumèrs cinc mesi der an. Entre gèr e mai de 2014 es ciutadans aranesi an recuperat 238.040 Kg de veire, deuant es 219.580 Kg reciclades en madeish periòde deth 2013, chifra que represente un aument de 18.460 Kg.

En paraules deth conselhèr de Territòri, Eduardo Valdecantos, “entà facilitar era participacion ciutadana ena recuelhuda selectiva, eth Conselh Generau damb es respectius ajuntaments, reorganizèrem era distribucion de contienedors en tot concentrar-les en ièrles complètes entàs fraccions, causa que facilite eth depòsit des diferentes matèries des residus e ath madeish temps, dèishe mès nets es carrèrs des nuclèus urbans.”

Valdecantos a ahijut “aguestes ièrles de contienedors ei, sense dobte, un des factors qu’afavorís er aument des quantitats arrecuelhudes selectivaments.”