Era Samarreta de Pau, ara tanben disponible en aranés

Aguesta iniciativa, prebotjada per HELP! Ideas Buenas e pera fondacion “CRIS contra el cáncer” da continuitat ath compromís vers era investigacion oncologica que Pau Donés inicièc en 2018 damb eth sòn projècte “Jarabe contra el cáncer” e, ath madeish temps, ei un aumenatge ar artista e ara sua manèra d’enténer era vida, un an dempús dera sua mòrt

HELP! Ideas Buenas e era fondacion “CRIS contra el cáncer”, damb era collaboracion de Correos, an prebotjat era iniciativa lacamisetadepau.org entà dar supòrt ara investigacion oncologica e coma forma de rendir aumentatge a Pau Donés un an dempús dera sua mòrt. Ara, aguesta samarreta ei tanben disponible en aranés, pr’amor qu’eth cantant auec ua relacion fòrça especiau damb era Val d’Aran.

Era samarreta, producida per Minimailsm Brand, dejà ei ara venda en exclusiva ena web de CorreosMarket ath prètz de 25,95 euròs.

Era istòria dera samarreta

Dempús der exit deth documentau “Eso que tú me das”, HELP! Ideas Buenas prepausèc ara familha Donés recuperar ua semarreta dissenhada per Pau, en un concèrt benefic en Ciutat de México en octubre de 2017. Eth cantant auie escrit a man “Vivir es urgente”, tres paraules que se convertiren en un mantra pendent es sòns darrèrs ans. Marc Donés, eth sòn frair e autor des portades, videoclips e logo de Jarabe de Palo a estat er encargat d’amiar a tèrme era recreacion d’aquera samarreta.

Era fondacion qu’investigue

En aguesta iniciativa ei fonamentau eth trabalh que realize era fondacion “CRIS contra el cáncer”, ua organizacion independent e sense anim de lucre, que pòrte dètz ans dan supòrt a linhes d’investigacion e projèctes de naui tractaments oncologics. Era sua directora, Marta Cardona, afirme que “es investigadors e investigadores an d’auer es recorsi de besonh entà melhorar es tractaments e guarir eth cancer, pr’amor qu’era investigacion ei vida”. Era fondacion destinarà es beneficis d’aguesta samarreta ath VHIO Institut Oncològic de la Vall d’Hebrón, a on Pau siguec tractat de cancer de colon.

Es amics de Pau

Eth valor e transcendéncia deth messatge de Pau son es protagonistes d’ua peça audiovisuau que s’estreèc eth passat 8 de junh en YouTube. I participèren Amado Donés, pair de Pau, e mès d’ua vintea d’amics deth cantant, que le rebremben e se meten era sua samarreta. Álex Lafon Montufar (un joen vesin de Montanuy), Elena Élez (oncologa e investigadora), Domenico Sabia (cirurgian oncologic), Luz Casal, Manolo García, Jordi Évole, Carlos Tarque, Jorge Drexler, Carles Puyol, Pau Gasol, Antonio Orozco, Toni Acosta, Estopa, Kiko Veneno, Antonio Carmona, Ariel Rot, La Mari (Chambao), Toñi Moreno, Carles Francino, Christian Gálvez, Dani Martín, Coque Malla, Andreu Buenafuente, Oscar Camps (Open Arms), El Langui, Ricky Rubio, el Rulo, Karlos Arguiñano e Dani Rovira.